Tuesday, July 29, 2014

Վերաօծվել է Քեսաբի հայկական եկեղեցիներից մեկը

10:26 • 28.07.14
Քեսաբի Գարատուրան շրջանի հայկական եկեղեցին վերաօծվել է հոծ բազմության ներկայությամբ, տեղեկացնում է Հալեպի «Գանձասար» շաբաթաթերթի ֆեյսբուքյան էջը:
Օծման արարողությունն իրականացրել է Բերիո թեմի առաջնորդ Տեր Շահան արքեպիսկոպոս Սարգիսյանը՝ հուլիսի 25-ին:

Իսկ երեկ՝ հուլիսի 27-ին, սրբազան հայրը Քեսաբի ազատագրումից հետո առաջին պատարագն է մատուցել այդ եկեղեցում՝ Վարդավառի տոնի առթիվ հավաքված հոծ բազմության ներկայությամբ:

Իր այցի ընթացքում սրբազան հայրը հավատացյալ ժողովրդին է փոխանցել Ն.Ս.Օ.Տ.Տ. Արամ Ա-ի օրհնությունն ու անվերապահ զորակցությունը:

Հոգևոր առաջնորդը տեղեկացել է տեղափոխված քեսաբահայերի դժվարություններին ու կարիքներին, որպեսզի համապատասխան միջոցներ ձեռնարկվեն այդ կարիքները հոգալու համար:

Հիշեցնենք, որ Սիրիայի Քեսաբ հայաբնակ ավանը հարձակման էր ենթարկվել մարտի վերջին, ինչի հետևանքով քեսաբահայերը լքել էին իրենց տները։ 
http://www.tert.am/am/news/2014/07/28/kesab-church/#.U9X9DBSYHVg.facebook

Friday, July 25, 2014

Քչերն են տեղյակ որ Գառնու տաճարի հարևանությամբ 7-րդ դարում Ներսես Գ կաթողիկոսի կողմից կառուցվել է Ս. Սիոն զվարթնոցատիպ եկեղեցին. հուշարձանը ժամանակի ընթացքում ամբողջովին ավերվել է և այսօր միայն հիմքերն են պահպանվել
Գուգարաց թեմի ամենադիտված 

2014 թ. -Թեմակալ առաջնորդի հանդիպումը Վանաձորի ոստիկաների հետ
https://www.youtube.com/watch?v=Tt99NTIOazk&list=UUWADOazEKuHhVTFEtm4B1NQ
2013 թ. -Սփյուրքի և Լոռու մարզպետի այցը թեմապատկան Ծիծեռնակ ճամբար
2012 թ. -ԼՄ Մեծ Պարնի համայնքի եկեղեցու Օծումը


Wednesday, July 23, 2014

Մայր Աթոռը դատապարտում է Վիրահայոց Թեմում կատարված ազգային թշնամանքը և կրոնական անհանդուրժողականությունը


Վիրահայոց Թեմի ներկայացրած տեղեկատվության համաձայն, սույն թվականի հուլիսի 19-ին, Թբիլիսիում, ծայրահեղ ազգայնական տրամադրվածությամբ շուրջ 50 անձանց կողմից ոտնձգություն է կատարվել Հավլաբարի Սբ. Էջմիածին եկեղեցու նկատմամբ, որի ընթացքին անարգալից ու հայհոյական արտահայտությունների ուղեկցմամբ ծեծի են ենթարկվել եկեղեցու սպասավոր Տ. Մանուկ քահանա Զեյնալյանը, թեմի պաշտոնյաներ և այդ պահին եկեղեցում գտնվող հայ հավատացյալներ:
Մայր Աթոռ Սուրբ Էջմիածինը իր խորը մտահոգությունն է հայտնում կատարվածի առնչությամբ և դատապարտում ազգային թշնամանք և կրոնական անհանդուրժողականություն հրահրող այս գործողությունը: Սադրիչ սույն ոտնձգությունը ցավալի հետևանքն է վերջին տարիներին Վրաստանում տարբեր կազմակերպությունների ու անհատների` այդ թվում վրաց որոշ հոգևորականների կողմից տարածվող հակահայկական տրամադրությունների:
Ծայրահեղական նման դրսևորումները անհարիր են հայ և վրաց ժողովուրդների բարեկամական հարաբերությունների ոգուն, որը պատմական մեր ընդհանուր անցյալի թանկ ձեռքբերումներից է:
Մայր Աթոռ Սուրբ Էջմիածնի ակնկալությունն է, որ Վրաստանի իշխանությունները պատասխանատվության ենթարկեն եկեղեցու հանդեպ ոտնձգություն կատարած բոլոր անձերին և ապահովեն Վրաստանում Հայ Եկեղեցու և հայ համայնքի անվտանգությունն ու կյանքի բնականոն ընթացքը:

Monday, July 21, 2014


Ոմանց դուր չեկավ համաշխարհային ազգ լինելու գաղափարը: Կամ այն մասին, թե ինչպես անհարկի կրճատեցին ՎԱԶԳԵՆ Ա-Ի խոսքերը:
1991թ. սեպտեմբերի 29-ին Վազգեն Առաջին վեհափառի ձեռամբ կայացավ մեռոնօրհնեքի արարողությունը: Վեհափառի` այդ առիթով ասված քարոզը ամբողջությամբ հեռարձակվեց ուղիղ եթերով (Ձեր խոնարհ ծառայի պատրաստած հաղորդումն էր): Բայց մի տարօրինակ բան կատարվեց` նախ «Լրաբեր»-ը կրճատեց քարոզի այն բաժինը, ուր խոսվում էր մեր ազգի «համաշխարհային երևույթ» լինելու մասին: Ապա հաջորդ օրը Հայաստանի կենտրոնական թերթերը քարոզը տպագրեցին դարձյալ այդ նույն բաժնի կրճատումներով: Անկասկած էր մի ընդհանուր կարգադրության փաստի գոյությունը, որն արվել էր «վերևներից»: Հավանաբար «սովորական ազգ» հասկացողությամբ բավարարվող վերևի ինչ-որ մարդկանց դուր չէր գալիս Վեհափառի պնդումն ու հիմնավորումը «Հայ ազգ-համաշխարհային երևույթ» գաղափարը:
Այս խնդրով հետաքրքրվողներին ներկայացնում եմ կրճատված մասը` սղագրված այդ օրվա հեռուստատեսային հաղորդման տեսագրությունից:
«Վկա է պատմությունը, որ քրիստոնեությամբ հայ ազգը դարձավ համաշխարհային երևույթ: Այո, համաշխարհային երևույթ… Հայ ժողովուրդը քրիստոնեությամբ դարձավ համաշխարհային երևույթ նաև իր հինգերորդ դարի Ոսկեդարով, երբ աշխարհում կազմավորվեց ու ճառագայթեց մի նոր մշակույթ, ազգային ինքնատիպ մի նոր ոգեկանություն, որի ստեղծած արժեքներն իրենց մնայուն տեղն են գրավել միջազգային քաղաքակրթության պատմության մէջ մինչև մեր օրերը:
Եվ վերջապես հայ ժողովուրդը, քրիստոնեությամբ դարձավ համաշխարհային երևույթ նաև Վարդանանց պատերազմով, որ աշխարհի պատմության հորիզոնի վրա հանդիսացավ առաջին պատերազմը վասն խղճի, վասն հավատի ազատության»:

Հովհաննես Պապիկյան ֆեյսբուքյան գրառումից
http://www.magaghat.am/2014/07/%D5%BE%D5%A1%D5%A6%D5%A3%D5%A5%D5%B6-%D5%A1%D5%BC%D5%A1%D5%BB%D5%AB%D5%B6-%D5%BE%D5%A5%D5%B0%D5%A1%D6%83%D5%A1%D5%BC%D5%A8-%D5%B4%D5%A5%D6%80-%D5%A1%D5%A6%D5%A3%D5%AB-%D5%B0%D5%A1%D5%B4%D5%A1-2/

Sunday, July 20, 2014

Իսկ նույնիսկ հայերից քանի՞սը գիտե Դվինի առեղծվածային բուրգի մասին, որը երևի երկու երրորդով թաղված, քողարկված է հողի մի քանի շերտով

«Նոյյան տապան» ակումբում այսօր «Հնագույն քաղաքակրթությունները և Հայաստանը» թեմայով մամուլի ասուլիսով հանդես եկան հնագույն քաղաքակրթությունների գծով փորձագետ Վազգեն Գևորգյանին և Անգլիայից (Սանտա Ֆայա) հրավիրված հնագույն քաղաքակրթությունների գծով բրիտանացի փորձագետ Գրեմ Հենքոքին: Վերջինիս հավաստմամբ, իր վրա շատ մեծ տպավորություն է գործել Հայաստանի ողբերգական անցյալը:
«Կարծում եմ, աշխարհն իսկապես շատ անարդարացի է եղել հայ ազգի, հայ ժողովրդի նկատմամբ, բայց, ինչևիցե, Հայաստանն իսկապես դիմակայել է,- ասաց Գրեմ Հենքոքը:- Իմ ամենամեծ ձեռքբերումը այն ջերմությունը, ազնվությունը և հայ ժողովի հյուրասիրությունն էր, որ ես տեսա այստեղ: Աշխարհն իրականում կարծես իսկապես մոռացել է Հայաստանի մասին, բայց Հայաստանը շատ բաներ ունի ցույց տալու աշխարհին: Իմ այցելությունը Հայաստան այն նպատակով է, որպեսզի աշխարհին ցույց տամ այն, ինչի մասին աշխարհը մինչև այժմ չգիտե»:
Բրիտանացի փորձագետը Հայաստանում տեսածից եկել է այն համոզման, որ այստեղ մարդկության անցյալի մասին թաքնված մի մեծ պատմություն կա: Նրա հավաստմամբ, իր վերջին 20 տարվա աշխատանքն ուղղված է բացահայտելու հին քաղաքակրթությունների գաղտնիքը, որը մարդը կորցրել է ժամանակին: Դա նման է հիշողությունը կորցնելուն` ամնեզիային: Շատ հանգամանքներ, իրողություններ, ազդակներ կան, որոնք մարդուն իսկապես ստիպում են մոռանալ իր իրական առաքելությունն այս աշխարհում, և, ըստ Գրեմ Հենքոքի, մենք կարիք ունենք վերականգնել մեր հիշողությունը: Բրիտանացի փորձագետը մեր երկրում տեսածից հանգել է այն եզրակացության, որ Հայաստանն իսկապես պետք է բեկումնային լինի` վաղնջական անցյալի վերաբերյալ մեր հիշողությունը վերականգնելու առումով: Վերջինիս հավաստմամբ, իր առաջիկա գրքում Հայաստանի մասին մեծ տեղ է հատկացնելու, պատրաստվում է նաև մի քանի անգամ դարձյալ այցելել Հայաստան:
«Կարծում եմ, Հայաստանն իսկապես բան ունի սովորեցնելու աշխարհին և մեր մոռացված անցյալի, և մարդկային ոգու մասին»,- ասաց Գրեմ Հենքոքը:
Վազգեն Գևորգյանի տեղեկացմամբ, իրենք այցելել են Զվարթնոց, Էջմիածին, Ագարակ հնավայր, նաև` Դվինի թաքնված բուրգ, որտեղ Հենքոքն ապշահար է եղել, ունենալով այդպիսի գանձ, մենք այն չենք կարողանում բացահայտել աշխարհին: Այնուհետև այցելել են Սյունիք, Ուխտասար, Քարահունջի աստղադիտարան, Տաթևի հնավայր, որը մինչև այսօր բացահայտված չէ, Գորիսի թանգարան, որտեղ քարե հրաշալի վկայություններ կան, որոնք մինչև հիմա էլ թաքցնում են իրենց իրական պատմությունը:
«Իմ վերջին տարիների պրպտումներն ինձ տարել են բազմաթիվ երկրներ, օրինակ, Պերու, Բոլվիա, Բրազիլիա, Մեքսիկա, Ամերիկայի Միացյալ Նահանգներ, Բահամյան կղզիներ, Կանարյան կղզիներ, Իսպանիա, Միջերկրական ծով, Մալթա, նաև` Եգիպտոս, որտեղ նույնիսկ չեմ կարող ասել, թե քանի անգամ եմ այցելել,- ասաց Գրեմ Հենքոքը:- Շատ եմ ճանապարհորդել նաև Թուրքիայում, Միջին Ասիայում, Հնդկաստանում, Ինդոնեզիայում, Կամբոջայում, ամբողջ Ճապոնիայում: Մինչև Հայաստան գալը, ինչ-որ մի բան իսկապես պակասում էր իմ գիտելիքների առումով, իսկապես մի բան չէի հասկանում: Ինչ-որ իսկապես շատ վատ բան է կարծես պատահել մոտավորապես 11-13 հազար տարի առաջ»:
Խոսքը համաաղետի մասին է:
«Հայաստանը,- շարունակեց բրիտանացի փորձագետը,- իսկապես այն տեղն է, որտեղ այդ համաաղետից հետո սկիզբ առավ նոր քաղաքակրթությունը: Ձեր նախնիներն աստղերն ուսումնասիրել են և հասկացել են այդ աստղերի իմաստը: Ինձ համար շատ տպավորիչ էր այցելությունը Քարահունջ, որը հետաքրքիր աստղադիտարան է և շատ հին: Մարդկանցից շատերը մտածում են, որ այդպիսի մեգալիթյան քարե կառույցներ կան միայն Եվրոպայում, բայց իրականում ձերը շատ ավելի հին է: Ինձ համար շատ հետաքրքիր էր տեսնել նաև Դվինի բուրգը: Մենք չգիտենք, թե ինչքան է հնությունն այդ բուրգի, ով է այն կառուցել, բայց իրականում դա հրաշք է»:
Գրեմ Հենքոքի հավաստմամբ, իր կյանքի ընթացքում բազմաթիվ բուրգեր է տեսել, բայց իսկապես չի հանդիպել սարի վրա բուրգեր կառուցելու այդպիսի տեխնոլոգիայի: Ըստ Վազգեն Գևորգյանի, բուրգի միայն վերին` մոտ 20 մետրանոց հատվածն է երևում, մնացածը թաղված, քողարկված է մի քանի շերտ հողի տակ, բացառված չէ, որ այն ներսում սենյակ կամ բաց տարածություններ ունենա, համապատասխան ուսումնասիրությունները դեռ առաջիկայում են լինելու:
«Ամենաառաջինը պետք է պարզել և լուրջ մոտեցում ցույց տալ հենց այդ` Դվինի բուրգին,- անդրադառնալով առաջնահերթություններին, ասաց բրիտանացի փորձագետը:- Պետք է բացահայտել, թե ինչ է այդ բուրգն իր մեջ պարունակում, գուցե մեջն ունի սենյակ, շատ կարևոր է նաև, որ լուրջ մարդիկ դրանով զբաղվեն ու բացահայտեն, որովհետև այն, իրոք, շատ կարևոր է: Նաև` Քարահունջը և ժայռապատկերները, Տաթևի մոտ գտնված այդ հնավայրը, որտեղ արդեն անտառ է աճել ու շատ դժվար է տեսնել, բայց երբ նայում ենք, երևի հսկա մարդկանց մի բնակատեղի է եղել»:
Արթուր Հովհաննիսյան
Nyut.am
ԶԼՄ-ները կարող են մեջբերել nyut.am-ի նյութերը` մեջբերվող նյութի հիպերհղումով: Հիպերհղումը պետք է տեղադրվի տեքստի առաջին պարբերությունում:
http://nyut.am/archives/220509
<Անդրանիկ>> Սկաուտական ճամբարի նպատակը ուղտագնացությունն է 
Հուլիսի 9-ից մինչև Օգոստոսի 4-ը  Հ.Բ.Ը.Մ. Անդրանիկ սկաուտական ճամբարը  Հայաստանում կազմակերպել է բանակում: Այն անց է կացվում 2 փուլով, որից յուրաքանչյուրը 15 օր տեւողությամբ: Առաջին հանգրվանին մասնակցում են Սիրիայից, Լիբանանից, Վրաստանից, Արաբական միացյալ Էմիրություններից եւ Բուլղարիայից ժամանած  ավելի քան 120  հայ երիտասարդներ: 

Ավելին կարդալ http://gugaratstem.blogspot.com/p/blog-page_810.html
ԿԱՐՍԻ ՍՈՒՐԲ ԱՌԱՔԵԼՈՑ ԵԿԵՂԵՑԻ

Հայկական ճարտարապետոթյան գոհարներից է, կառուցվել է 940-ական թվականին Աբաս Բագրատունու օրոք: 12 առաքյալների քանդակների և բազմաթիվ խաչերի առկայությունը չի խանգարում թուրքերին, որ այն անվանեն գմբեթավոր մզկիթ:Կողքին հսկա մզկիթ են կառուցել, բայց Ս. Առաքելոցը հպարտ ու վերահաշուք է: Այսօր այնտեղ Սուրբ Պատարագներ չեն մատուցվում և շարականներ չեն հնչում, գմբեթի խաչն էլ հանված է, բայց միևնույն է` այն հայկական եկեղեցի, որտեղ երբ հայ է մտնում`«Հայր մեր» է ասում, երգում շարական ու աղոթում

Saturday, July 19, 2014

Գուգարաց թեմի առաջնորդ Տեր Սեպուհ արք. Չուլջյանի խոսքը` Ստեփանավանի Սբ Աստվածածին եկեղեցու հիմնարկեքի արարողության ժամանակ
19 հուլիս, 2014թ. 
Ստեփանավանցի իմ հայրենակիցներ հարգարժան պարոն մարզպետ, քաղաքապետ, պետական այրեր,հյուրեր և ուխտավորներ.
Փառք, պատիվ և գոհություն եմ վերընծայում առ Աստված այն շնորհների համար, որ Նա պարգևեց ձեզ և դուքիմաստությունն ու արիությունը ունեցաք իբրև վկայություն ձեր քրիստոնեական սուրբ հավատքի` կառուցելնոր եկեղեցի: Ինչու չէ նաև այս կերպ քավել կոմունիստ հայերի կողմից 1952թ-ին Սբ Աստվածածին եկեղեցուպայթեցման և քանդման մեղքը:
Այս օրերին, երբ ազգային ու ապազգային արժեքների, մշակույթների բախման խնդիրների առջև է գտնվումհամայն մարդկությունը. մեր երկրում նույնպես կան թուլամորթներ, ովքեր իրենց ազգային արժեհամակարգի մեջ կայանալու բարդույթն ունեն, սակայն դուք սիրելի ստեփանավանցիներ, ևս մեկ անգամ ապացուցում եք,որ հայ մարդու ինքնության, բարոյական և ազգային նկարագրի, արժանապատվության առհավատչյան է նաևքրիստոնեական հավատքը: Ուստիև Հայ Առաքելական Սուրբ Եկեղեցին կենսական տեղ ունի մեր կյանքի,գոյության, հարատևության և որակի բարձրացման ճանապարհին:
Եկեղեցի կառուցելը, բնականաբար նախ ենթադրում է եկեղեցի դառնալ, լինել մեկ սիրտ, մեկ միտք, մեկհոգի: Եկեղեցին դեպի միաբանություն, հզորացում և մահվան դիմաց հաղթանակ պարգևող ամրոցն է: Եվ դուքմեր հայոց պատմությունից քաջատեղյակ եք այս բացարձակ ճշմարտության մասին և մեկ անգամ չէ, որ հայժողովուրդը պատմության քառուղիներում ի գին իր որդիների նահատակվել է, սակայն Քրիստոսի հարությանլույս հավատքով զորացած շարունակել իր հաղթական երթը: Այսպես և մենք այսօր հանուն մեր ազգայինիղձերի` կրկին համախմբվում ենք մեր եկեղեցու և պետականության շուրջ ` զորանալու:
Այս պատմական օրը մեր հոգու պարտքն է հիշել բոլոր նրանց, ովքեր 7 և 19-րդ դարերում կառուցել էիննախկին Սբ Աստվածածին եկեղեցին: Հիշենք նաև նրանց, ովքեր մեր օրերում ևս ջանք էին գործադրում այսվայրում կառուցել այս եկեղեցին, այդ թվում` նախկին քաղաքապետ Սարգիս Ղարաքեշիշյանին:

Փառք Բարձրյալին, որ քաղաքապետ Միքայել Ղարաքեշիշյանը իր անմնացորդ նվիրումով իրականություն դարձրեց այս սրբազան ծրագիրը, որին Ստեփանավան քաղաքի բարեպաշտ ազգաբնակչությունը ևռուսաստանաբնակ մեր հայրենակիցները պատրաստակամություն հայտնեցին նյութական, հոգևոր ևբարոյական աջակցությունը ցուցաբերելու: Աղոթենք, որ խաղաղության, սիրո մթնոլորտում իրականանա և իրավարտին հասնի Սբ Աստվածածին եկեղեցու կառուցումը: ԱՄԷՆ:
լուսանկարները՝ Գևորգ Դերձյանի






Փոսը օրհնեցին, քարերը տեղադրեցին, արդյունքը 2 տարի անց | Լուսանկարներ

http://ksherq.blogspot.com/2014/07/2.html
Ձորագետի կիրճի բարձրունքին մինչև անցած դարի կեսերը կանգում էր Սուրբ Աստվածածին եկեղեցին, որը սակայն 1950-ական թվականներին քանդվել է աթեիստների կողմից: Հնաբնակ ստեփանավանցիները հիշում են՝ թե ի՞նչպես էր քանդվում եկեղեցին, որից հետո հաջորդել է տարբեր դժբախտություններ: Հանգանակությամբ Ստեփանավան բարեգործական Հիմնադրամ”-ի, որի հիմնադիրներն են  Ստեփանավանի քաղաքապետ  Միքայել Ղարաքեշիշյանը, և ռուսաստանաբնակ բարերար եղբայրներ՝ ստեփանավանցի Ավագ,Միհրան, Ժիրայր Խանեդանյանները,  քաղաքի կենտրոնում՝ 280 քմ. մետր տարածքով նոր՝ Սուրբ Աստվածածին անունը կրող եկեղեցին պիտի կառուցվի, այն լինելու է ուղանկյունաձև, բազիլիք եկեղեցի, տուֆից ու բազալտի քարից:
Նոր եկեղոցու շինարարությունն իրականացնում է “ԱՇԻԿ” ստեփանավաննի մասնաճյուղը, այն նախատեսվում է ավարտել 2 տարվա ընթացքում:Եկեղեցու հիմօրհներգն իրականացնելու նպատակով Ստեփանավան էին ժամանել Լոռու մարզպետ Արթուր Նալբանդյանը, մարզային տարբեր իշխանություններ, հոգևոր սպասավորներ  ու տարբեր հյուրեր այլ քաղաքներից:


















Նյութը և լուսանկարները՝ Գևորգ Դերձյանի
ԱՌԱՋԻՆ ՀԵՌՈՒՍՏԱԲԼՈԳ | ՍՏԵՓԱՆԱՎԱՆ
http://ksherq.blogspot.com/2014/07/2.html